Pidato pembawa acara bahasa jawa PRANATA ACARA “WALIMATUS SAFAR”

PRANATA ACARA “WALIMATUS SAFAR”

Ahad Pon, 2 Oktober 2011

Assalamu’alaikum Wr. Wb.

LABBAIKALLAHUMMA LABBAIK …..

ALHAJJUL MABRUUR LAISA LAHU JAYA UN ILAL JANNAH..

MAN HAJJALILLAHI FALAM YARFUTS WALAM YAFSUQ RAJA’A MIN DZUNUBIHI KAYAUMIN WALADATHU UMMUHU.

Amma ba’du :

Dhumateng rama-rama kiyai, para alim ingkang tansah kito hormati lan kito taati …

Utaminipun dhumateng romo KH. MISBAHUDDIN NASHAN AMIR, LC saking Kudus ingkang tansah kito hormati tuwin kito taati menggah mauidhoh hasanahipun.

Dhumateng Bapak Kepala Desa Japan (Bp Sutikno), tuwin sedoyo Perangkat sak andhahipun ingkang kito hormati.

Dhumateng para sesepuh pinisepuh, tokoh agami tuwin tokoh masyarakat ingkang kito mulyakaken …

Kaum muslimin muslimat, tamu undangan sedoyo ingkang mboten saget kawulo sebat setunggal lan setunggalipun ingkang kito hormati…

Sakderengipun monggo kito tansah ngaturaken syukur dhumateng ngarsa dalem Allah SWT …..

Shalawat lan salam kito aturaken dhumateng junjungan Nabi Agung Muhammad saw. …

Para bapak para ibu inbgkang kawulo hormati …

Sakderengipun acara dipun milai, kawula atas nami Keluarga Bp. Karbi ngaturaken gunging panuwun ingkang tanpa upami atas kerawuhan panjenengan sedoyo sampun nglonggaraken wekdal soho penggalih …..

Saklajengipun Bapak Karbi nyuwun agunging pangapunten mbok menawi anggenipun nampi soho mapanaken para Bp/Ibu sedoyo wonten kekiranganipun …

Dalu puniko kito rawuh wonten majelis puniko ngleksanani undangan saking Bapak Karbi …. Wonten acara Walimatus Safar inggih puniko anggenipun Bapak Karbi badhe nindakaken Rukun Islam Kaping gangsal , Ibadah Haji wonten ing Tanah Suci ingkang insyaAllah badhe berangkat mbenjang tanggal 25 Oktober 2011 dinten Selasa Legi  Jam  07.00. Keranten jam 08.00 tepat kedah sampun kempal wonten Pendopo Kabupaten.

Kanthi puniko monggo kito ndherekaken muji syukur tuwin ndherek ndedonga dhumateng Allah mugi-mugi tindakipun Bapak Karbi tansah pinaringan pangayoman, hidayah lan ridho saking Allah SWT, tansah wilujeng dalam perjalanan, wilujeng kesehatan, saget nglampahi rukun2ipun haji, wajib haji lan sunnah2ipun haji,  lan mugiyo saget kondur kanti wilujeng selamet , saklajengipun dados haji ingkang mabruur. Amin Ya Robbal Alamin.

Para bapak, para ibu ingkang kawulo hormati …………

Keranten wekdal sampun nyekapi, ….

Sakderengipun, nyuwun sewu badhe kawulo aturaken SUSUNAN ACARA wonten dalu puniko. Dene Susunan Acara Walimatus Safar ingkang badhe kito dherekaken  inggih puniko

1.       Adicoro ingkang sepindhah : PEMBUKAAN

2.       Adicoro Ingkang kaping kalih : LANTUNAN AYAT-AYAT SUCI ALQUR’AN ingkang badhe dipun salirani dening panjenenganipun ustadz NURHAN

3.       Ngancik acara salajengipun : adicoro kaping tigo : TAHLIL ingkang samangke kasuwun dipun pimpin panjenenganipun Bapak JAMIAN M. JAZULI

4.       Dene adicoro ingkang kaping sekawan : inggih puniko sambutan2

a.       Sambutan minangkani SHOHIBUL BAITH  kaaturaken dening BP. DRS. H. ABDUL MANAF

b.      Sambutan saking BP. KEPALA DESA JAPAN, BP. SUTIKNO

5.        Kaping gangsal : acara ISTIRAHAT ( para kaneman ingkang sampun kajibah supados enggal ngleksanani tugasipun).

6.       Adicoro ingkang kaping gangsal : ACARA INTI (MAUIDHOH KHASANAH)…. Dipun salirani almukarrom romo KH. MISBAHUDDIN NASHAN AMIR, LC Saking Mejobo Kudus.  Sekaligus kasuwun doa.

7.       Adicoro ingkang pungkasan inggih puniko : PENUTUP

Makaten menggah susunan acara wonten dalu puniko, kito wiwiti acara kaping setunggal inggih puniko Pembukaan. Monggo kito bikak kanthi maos suratul fatehah mugi barokahipun sumrambah dhumateng kito sedoyo lan mugi ndadosaken acara dalu puniko lumampah kanti lancar, khidmat, mboten wonten alangan setunggal punopo2. Alaniyatus sholihah Al Fatehah ……

………………………….. Para bapak/para ibu….., mekaten menggah acara demi acara sampun kalampah lan kito dherekaken sesarengan, mbok menawi kawula anggenipun ngacarani wonten kirang tanggapipun, kirang prayoginipun, wonten cicir cewet anggen kawulo matur kawulo manungso limrah, sedoyo kalawau keranten cublukipun pangertosan kawulo saking babagan punopo kemawon, saestu kawulo nyuwun agunging pangapunten.

*) Mugiyo tindakipun bapak Karbi tansah wilujeng, rahayu widodo kalis ing rubedo lan kalis ing sambikolo.

Saking Bapak Karbi pribadi, nyuwun dhumateng sedoyo kaum muslimin muslimat lan sedoyo ingkang khadir wonten puniko majelis, mbok menawi selama Bapak Karbi anggenipun sesrawungan kalih panjenengan sedoyo wonten kekhilafan, wonten suba sito tata krami srawung tetanggan ingkang sajak mboten reno ing penggalih panjenengan…. Wonten ing babagan punopo kemawon, puniko wekdal Bapak Karbi nyuwun kanti ihlasing penggalih nyuwun agunging pangapunten dhumateng panjenengan sedoyo. Kosok wangsulipun mbok menawi panjenengan sedoyo wonten kekhilafan …. Bapak Karbi mboten kawratan ngaturi pangapunten dhumateng panjenengan sedoyo.

Bapak Karbi nyuwun doa restu atas tindakipun, mugi lancar wilujeng dalam perjalanan, tansah pinaringan sehat wal afiat, tansah lancar nindakaken rukun-rukun haji, wajib-wajib haji tuwin nindakaken sunnah2 haji ingkang sak kathah2ipun sahingga pikantuk gelar saking Allah dados  HAJI MABRUURR….

ALHAJJUL MABRUUR LAISA LAHU JAYA UN ILAL JANNAH..

MAN HAJJALILLAHI FALAM YARFUTS WALAM YAFSUQ RAJA’A MIN DZUNUBIHI KAYAUMIN WALADATHU UMMUHU. (Sing sopo wonge nindakake ibadah haji  kerana Allah lan ora omong kang olo-olo, lan ora duroko, mangka deweke bali suci  sangka dosa koyo bayi kang lagi dilahirake soko guwo garbane ibune.(HR Bukhori wa Muslim)

*) Sak lajengipun keluarga ingkang wonten dalem ugi tansah pinaringan wilujeng selamet mboten kekirangan ing samudayanipun. Amin.

*) Makaten, sepindhah malih selaku pembawa acara kawula nyuwun agunging pangapunten atas sedoyo kekirangan ….

Wassalamu’alaaikum Wr. Wb.